د کرنې وزیر د «Roots of peace» ادارې د بازارموندنې مسوول سره وکتل؛ د تولیداتو د بازارموندنې پر اړتیاوو خبرې

۱۴ سلواغه ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي دخپل کار په دفتر کې په افغانستان کې د «Roots of peace» ادارې د بازارموندنې د برخې مسوول، جان هادو سره وکتل او دواړو خواوو د افغانستان دکرنیزو محصولاتو پر بازارموندنې او اسټانډارډ کولو خبرې وکړې.
د «Roots of peace» ادارې د بازارموندنې د برخې مسوول د هېواد د ښه تولید او کرنیزو محصولاتو د بازارموندنې په برخه کې خپل د ملاتړ اعلان وکړ او وویل، چې یادې ادارې د کرنیزو محصولاتو د بازارموندنې او اسټانډارډ کولو په برخه کې کار کوي، ترڅو د افغانستان کرنې لپاره غوره بازار رامنځته شي.
وروسته دکرنې وزیر کرنیزو محصولاتو لپاره د بازارموندنې پر اړتیاوو او د دغو حاصلاتو د بازار ښه والي په پار پر نړیوال زمینه سازی ټینګار وکړ.
باید وویل شي، چې د «Roots of peace» د بازارموندنې اداره د کرنې وزارت د کرنې د ودې او کلیوالي پراختیا پروژې «CBARD» د بازار موندنې مسوولیت لري.