دکرنې وزارت سرپرست د «Roots of peace» له مسوول سره په لیدنه کې
دکرنې وزارت سرپرست د «Roots of peace» له مسوول سره په لیدنه کې؛
تولیداتو لپاره د بازار موندنې پر اړتیاوو خبرې اترې
۹ تله ۱۳۹۹
د کرنې، اوبولګولو او مالدارۍ وزارت سرپرست او نوماند وزیر ډاکټر انوارالحق احدي دخپل کار په دفتر کې په افغانستان د بازارموندنې بنسټ د سولې ریښې «Roots of peace» له مسوول حامد انصاري سره وکتل.
د «Roots of peace» د بازارموندنې د بنسټ مسوول، د کرنې وزارت د کرنې د ودې او کلیوالي پراختیا پروژې «CBARD»لپاره د بازارموندنې په برخه کې د خپلو راتلونکو برنامو او فعالیتونو په هکله د کرنې وزارست سرپرست ته معلومات ورکړ.
په همدې حال کې، ډاکټرانوارالحق احدي تولیداتو لپاره د بازارموندنې، تخنیکي مرستو او د خصوصي سکټور د شتون پر اړتیا ټینګار وکړ.
باید وویل شي، چې د سولې ریښې «Roots of Peace» د بازارموندنې بنسټ د کرنې وزارت د کرنې د ودې او کلیوالي پراختیا پروژې د بازارموندنې مسوولیت لري.
