د کرنې وزارت مالي او اداري مرستیال: د اصلاح شویو تخمونو وېش په پار دې واضح او منظم پلان جوړ شي

۲۴ کب ۱۳۹۹
دکرنې، اوبولګولو او مالدارۍ وزارت مالي او اداري مرستیال عبدالهادي رفیعي په مشرۍ، د ۱۴۰۰ ام کال د اصلاح شویو بذري تخمونو او کرنیزو خدمتونو له دولتي شرکتونو سره، د دولتي شرکتونو د ریاست سرپرست نظر محمد تابع، د اقتصاد په وزارت کې دکرنې مسوول محمد فواد رحیمي او دکرنیزو څېړنو انسټیټوټ مشرې نجیبه عطایي په شتون کې غونډه په لاره واچول شوه.
د غونډې په پیل کې د اصلاح شویو تخمونو او کرنیزو چوپړتیاوو د دولتي شرکت سرپرست میر فقیر مشتاق په مفصل ډول په ورستیو درېوو کلونو کې د شرکت په تولید، عوایدو، لګښتونو او ګټو هر اړخیزې خبرې وکړې او ګډونوالو ته مالومات وړاندې کړل. ورپسې د دولتي شرکتونو د لوی ریاست سرپرست د دولتي شرکت په کړنو او ستونزو خبرې وکړې.
غونډې ته د کرنې وزارت مالي او اداري مرستیال د ستونزو، پرمختګونو او راتلونکې پلان په اړه وویل، چې موږ د خصوصي سکتور د پرمختګ طرفدار یو او په وړاندې یې شته ستونزې باید له منځه ولاړ شي. هغه د کرنې، مالیې او اقتصاد وزارتونه د قانون پلي کوونکي یاد کړل او له مالیې او اقتصاد وزارتونو څخه یې مننه وکړه، چې تل یې ورسره په وخت همکارۍ کړي دي او د شرکت له مسوولینو څخه وغوښتل، چې په ګډه ستونزو ته هل لار پیدا کړي او دوی ته د وزارت د همکاریو ډاډ ورکړ.
عبدالهادي رفیعي د اصلاح شویو بذري تخونو او کرنیزو خدمتونو په پار جوړ شوي غونډې ته وویل: « د سړو سیمو لپاره د اصلاح شویو تخمونو وېش په پار باید واضح او منظم پلان جوړ شي، ترڅو پروخت او په ښه دول سره تخمونه ووېشل شي، د غیر ضروري لګښتونو څخه باید ډډه ووشي.»
ښاغلی رفیعي د شرکت له مسوولینو وغوښتل، چې د اوږد مهال لپاره باید په بازارونو کې سیالۍ وکړي.
په پای کې د مالیې او اقتصاد وزارتونو مسوولینو او د کرنیزو څېړنو انستیتوت مشرې د شرکت پوښتونو او وړاندیزونو ته ځوابونه ورکړل.