د کرنې وزارت د مشرتابه غونډه پر یوشمېر مواردو پرېکړه وکړه

۱۶ کب ۱۳۹۹
د کرنې وزارت د مشرتابه غونډه په لاره وا چول شوه او پر یوشمېر مواردو یې پرېکړه وکړه.
د کرنې، اوبولګولو او مالدارۍ وزیر ډاکټر انوارالحق احدي په دې غونډه کې وویل، چې د وزارت بورسیې باید د وړتیا او اړتیا پر اساس وي او هغه کسان چې، بورسیو ته ځي، د ملکي خدمتونو د قانون پر اساس، باید په وزارت کې د دوی له وړتیاوو څخه ګټه پورته شي.
په دې غونډه کې خصوصي سکټور او نورو بنسټونو ته دکرنې وزارت د ځمکو لېږد وارزول شوه او د وزارت مشرتابه پرېکړه وکړه، چې دکرنې وزارت ځمکې خصوصي سکټور ته نه لېږل کېږي، او له یادو ځمکو څخه یوازې د څېړنو په برخه کې کار اخیستل کېږي.
دغه راز په دې غونډه کې پرېکړه وشوه، چې د کرنې وزارت پروژې او ریاستونه دې خپل مالي پلانونه مالي ریاست ته ورکړي ترڅو ډېر ژر ټول پړاوونه یې بشپړ او چارې پیل شي.