د نیالګیو اېښودو کمپین دهمغږیو د پیاوړتیا په پار د چاپېریال ساتنې ملي ادارې رییس سره د کرنې وزیر کتنه
۱۱ کب ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي دخپل کار په دفتر کې د چاپېریال ساتنې ملي ادارې رییس شاهزمان میوندي سره وکتل. په دې کتنه کې دواړو خواوو د نیالګیو اېښودو کمپین د همغږیو پر پیاوړتیا خبرې وکړې.
د چاپېریال ساتنې ملي ادارې رییس د کرنې وزارت له فعالیتونو څخه د مننې ترڅنګ وویل، ټاکل شوې، چې د نیالګیو اېښودو کمپین په ټاکلې نېټه په لاره واچول شي. ښاغلی میوندي د کرنې له وزارت څخه وغوښتل، چې د نیالګیو درلودو په صورت کې، په بېلابېلو برخو او په هغو برخو چې اړتیا ورته لري نیالګي ووېشي.
په دې لیدنه کې د کرنې وزیر ډاکټر انوارالحق احدي د نیالګیو د تولید، چمتو کولو او پر اداراتو، سازمانونو او هېوادوالو د نیالګیو د وېش خبر ورکړ او ویې ویل، چې اقلیمي شرایطو ته په کتو یاد کمپین په تودو ولایتونو کې د نیالګیو په وېش سره پیل شوی دی او په راتلونکو ورځو کې په سړو ولایتونو کې هم پیلېږي.
