د کرنې وزارت مالي او اداري مرستیال: د کرنې وزارت د شرایط وړ ټول کارکوونکي خپلې شتمني ثبت کړي دي
۱۶ تله ۱۳۹۹
د کرنې، اوبولګولو او مالدارۍ په وزارت کې د شتمنیو د ثبت او د ملکیتونو د ارزونې په موخه د پوهاوی برنامه په لاره اچول شوې وه.
په دې برنامه کې دکرنې، اوبولګولو او مالدارۍ وزارت مالي او اداري مرستیال عبدالهادي رفیعي او د جمهوري ریاست د شتمنیو د ثبت او د ملکیتونو د ارزونې د ادارې رییس عبدالودود بشریار، ددې ادارې د عامه پوهاوي له چارواکو ره خبرې وکړې او د کرنې وزارت کارکوونکو ته یې مالومات ورکړل.
په یاده برنامه کې د وزارت مالي او اداري مرستیال وویل: «موږ روڼتیا، ځواب ورکولو او فساد سره د مبارزې په پار ژمن یو، د ملکي خدمتونو په برخه کې د شتمنیو ثبت مو بشپړ کړئ او صفر یو، تاسو خبر یاست، چې تېره اوونۍ مو د اطلاع رسونې په برخه کې لومړی ځال خپل کړ او د سروزور کلي زموږ په برخه شو، په همدې توګه د کرنې وزارت د ملکي خدمتونو هیڅ یو کاروونکی هم نشته چې خپله شتمني یې نه وی ثبت کړئ، خو بیا هم اړتیا ده، چې په دې برخه کې لا ډېر کار ووشي، د یوې سالمې، ځواب ورکوونکی، کارا او اغېزناکې ادارې لپاره اړتیا ده، چې د روڼتیا، ځواب ورکولو او فساد سره د مبارزې په برخه کې لا ډېر کار ووشي.»
په همدې حال کې د جمهوري ریاست د شتمنیو د ثبت او د ملکیتونو د ارزونې د ادارې رییس عبدالودود بشریار خبرې وکړې او په دې هکله یې وویل: «ددې برنامې موخه داده، چې د شتمنیو او ملکیتونو د ثبت فرهنګ ټینګ شي.»
د شتمنیو ثبت، د اشاعې قانون، د شتمنیو ثبت او ارزونه، د انلاین سیسټم پېژندنه، د شتمنیو د ثبت فورم ډکول او د نظرونو او پوښتنو مطرح کول ددې غونډې بله برخه وه.
