د غنمو د ملي پالیسۍ د مسودې د ارزونې غونډه
۱۱ کب ۱۳۹۹
د کرنې، اوبولګولو اومالدارۍ وزیر ډاکټر انوارالحق احدي په مشرۍ د کرنې وزارت د مرستیالانو، سلاکارانو او د وزارت بېلابېلو برخو د رییسان په ګډون سره د غنمو د ملي پالیسۍ د مسودې د ارزونې او د یاد محصول په تولید کې ځان بسیاینې ته د رسېدنې په پار غونډه په لاره واچول شوه.
دا غونډه د کرنې وزیر په دفتر کې په لاره اچول شوې وه. په دې غونډه کې ښاغلی احدي وویل، چې د غنمو د تولید په برخه کې ځان بسیاینې ته د رسېدنې په پار د اوبیزو او للمو غنمو د کروندو زیاتوالی، د اوبولګولو د سیسټمونو پراختیا او د اصلاح شویو تخمونو او کیمیاوي سرو پر وخت وېش زموږ اساسي لومړیتوبونه دي.
دکرنې وزیر د غنمو ملي پالیسۍ او د غنمو په تولید کې ځان بسیاینې ته د رسېدو په پار د عمل پلان په هکله، د غنمو ملي پالیسۍ د پیاوړتیا او د غنمو په تولید کې ځان بسیاینې ته د رسېدنې په پار د عمل پلان د لا پیاوړتیا په پار خپلې سپارښتنې او لارښوونې وړاندې کړه.
وروسته، د کرنې وزارت مرستیالان او سلاکاران هم په دې برخه کې خپل نظرونه او وړاندیزونه وړاندې کړل.
