پکتیا کې د کانګو تبې د مخنیوي په موخه کمپاین پیل شو

۲۱ چنګاښ ۱۴۰۰
د پکتیا ولایت دکرنې، اوبولګولو او مالدارۍ ریاست له خوا په یاد ولایت کې د کانګو تبې «CCHF» د مخنیوی په موخه کمپاین پیل شو.
د پکتیا د کرنې رییس محمد دین مومند وویل، چې د دې کمپاین په لړ کې به د پکتیا ولایت اړوند د ځینې سیمو څاروی، دڅارویو د اوسیدلو ځایونه (غوجلې) او د څارویو منډوي دواپاشي کېږي او ترڅنګ یې مالدارانو ته د حفظ الصحې په هکله معلومات هم ورکول کېږي، ترڅو دیادې ناروغۍ دمخنیوي په موخه ورڅخه ګټه پورته کړي. د دې ترڅنګ د کانګو تبې د مخنیوی په موخه ددې لایت خلکو ته عامه پوهاوی هم ورکول وکېږي.
د کانګو تبه یو وېروسي ناروغي ده، چې د حشرو، کنو او خځندو او یا هم د څارویو له لارې انسانانو ته لېږدي. د غه تبه په څارویو او انسانانو کې یوه ګډه ناروغي ده، چې ډېری وخت له څارویو څخه انسانانو ته لېږدول کېږي او کله نا کله د انسانانو د مړینې لامل هم کېږي.