خوست کې د شولو ۵۲ ننداریزې کروندې جوړېږي

٣٠ غبرګولی ۱۴۰۰
د خوست دکرنې، اوبولګولو او مالدارۍ ریاست ددې ولایت د مرکز په ګډون د « اسماعیل خېل، مندوزی، علیشېر، باک او صبریو » په ولسوالیو کې دکتار په ډول دشولو دعصري کرکېلي د ترویج په موخه د ننداریزو کروندو جوړولو په پار پر ۵۲بزګرانو د شولو اصلاح شوي تخمونه او د کرکېلي اړین توکي وېشلي دي.
د خوست دکرنې ریاست وايي، چې یاد ریاست د لومړي ځل لپاره په دې ولایت کې د پلوي وریجو ۵۲ ننداریزې کروندې جوړوي.
یاد ننداریزې کروندې بزګرانو ته دکتار « RIPA» په ډول دشولو کرلو د نوي او عصري میتودونو د زده کړې او رواجولو په موخه جوړېږي. د خوست دکرنې ریاست د چارواکو په خبره دکرنې وزارت له لورې یادو بزګرانو ته ټول تولیدي عوامل په وړیا توګه ورکړل شوي دي.
دغه راز د خوست د کرنې ریاست په پام کې لري، چې ددې ولایت ۱۵۰۰ بزګرانو هر یوه بزګر ته د شولو ۱۰ کیلو تخمونه د سب سایډي په بڼه ورکړي.